सखुवा प्रसौनी गाऊपालिकाका जनप्रतिनिधिको सहकार्यमा अलौमा पानी वितरण

सखुवा प्रसौनीका गाऊपालिकाका अध्यक्ष यस्वन्त यादव र वडा अध्यक्ष संजु छतकुलीको सहकार्यमा ट्याङ्कीले खाने पानी वितरण गरिएको छ।

पर्साको सदरमुकाम वीरगञ्जमा पछिल्लो केही समयदेखि आएको पानीको समस्यालाई मध्यनजर गर्दै सखुवाप्रसौनी गाउँपालिकाका अध्यक्ष यस्वन्त यादव र वीरगंज १७ का वडा अध्यक्ष संजु छतकुलीको सहकार्यले अलौं गाउँमा ट्याङ्कीले ६ हजार लिटर खानेपानी वितरण गरेका हुन् ।

जिल्लाको एउटा स्थानीय तहमा समस्याको आउँदा अर्को स्थानीय तहले सहयोग गर्नुपर्ने ध्ययका साथ अध्यक्ष यादवले खानेपानी वितरण गरेको बताए । उनले आगामी दिनमा पनि यसलाई निरन्तरता दिने सखुवाप्रसौनी गाउँपालिका सधैं तयार रहने बताएका छन् । पानी पाएपछि हर्षित स्थानीयहरूले उनलाई धन्यवाद पनि दिएका थिए ।

त्यसैगरि वडा नम्बर १७ का वडा अध्यक्ष छतकुलीले अलौमा पानीको समस्या समाधान गर्न कुनै पनि स्थानीय तहसंग सहकार्य गरि उपलब्ध गराउने बताए । आफ्नो वडामा हरेक चौक चौकमा निशुल्क खानेपानी जडान र पुरानो ईनारहरु छिटोभन्दा छिटो सरसफा गराई पानीको समस्या सामधान गर्ने बताए ।