सिन्धुपाल्चोकको रेडियो मेलम्चीका स्टेशन म्यानेजर देवराज सुवेदी सम्मानित

रेडियो मेलम्चीका स्टेशन म्यानेजर देवराज सुवेदी सम्मानित भएका छन । सिन्धुपाल्चोकमा रहेर पत्रकारीता गरिरहेका सुवेदीलाई नवलपुर भ्याली पत्रकारिता सम्मान बाट सम्मान गरिएको हो ।

विगत दुई दशक देखि पत्रकारीता गर्दै आएका सुवेदीले सिन्धुपाल्चोकमा सक्रिय पत्रकारीता गर्दै आफ्नो छुट्टै पहिचान बनाएका छन ।

नवलपुर भ्याली स्कुलको वार्षिकोत्सब,सम्मान,पुर्व प्राथमिक तहका विद्यार्थी दिक्षान्त एवं अभिभावक भेला कार्यक्रमको अवसरमा पत्रकार सुवेदी लगायत ४ जनालाई सम्मान गरिएको हो ।

पत्रकारिता सम्मान बाट सुवेदी, , साहित्य सम्मान बाट पत्रकार तथा साहित्यकार सुन्दर शिरिष, कला सम्मान बाट लोक गायक नवराज घोरासैनी र शिक्षा सम्मान बाट केतु बोर्डिङ स्कुलका प्रीन्सिपल एरोन लेप्चालाई सम्मान गरिएको विद्यालयका पिन्सिपल बुद्धिप्रसाद आचार्यले जानकारी दिए ।

राष्ट्रिय समाचार समिति (रासस),रेडियो नेपाल लगायत विभिन्न सञ्चार माध्यममा आवद्ध सुवेदी यसअघि पनि (रासस),रेडियो नेपाल,प्रेस चौतारी,हुत्तराज अर्धचन्द्र जनहितकारी संस्था बाट सम्मानित भएका थिए  । बागमती प्रदेशका भौतिक पुर्वाधार विकास मन्त्री युवराज दुलाल (शरद)ले सम्मानपत्र प्रदान गर्नुभएको थियो ।