नर्सरी व्यावसायी संघद्वारा शहिद पार्कमा नर्सरी बाटिका उद्वघाटन

नर्सरी व्यावसायी सघद्वारा निर्मित गोकर्णेश्वर नगरपालिका ४ स्थित शहिदपार्क जगडोलमा नर्सरी बाटिका उद्घाटन भएको छ ।

सोमबार तथा पशुपन्छी विकास मन्त्री ज्वाला कुमारी शाहले बाटिकाको उदघाटन त्रिफला र हर्राबर्रोको बिरुवा रोपेर गरेका थिए  । उद्घाटन गर्दै मन्त्री शाहले स्वच्छ वातावरणको लागि बृक्षारोपण अभियान देशैभर संचालन गर्न आवश्य रहेको बताए । मन्त्री शाहले नर्सरी ब्यवसायीसंघले बनाएको नर्सरी बाटीका वातावरण संरक्षणका लागि अत्यन्तै सर्हानीय कार्य रहेको बताए । भर्खरै सरकारले सुन्तलालाई राष्टिय फल घोषणा गरेको बताउदै मन्त्री शाहले सुन्तलाको बजारीकरण गर्न लागिपरेको बताए ।

नर्सरी व्यसायी संघका अध्यक्ष राम्जी तिमिल्सिनाले नर्सरी ब्यवसायको विकास र बिस्तार, स्वच्छ वातावरण सहित आय र रोजागार भन्ने संघको नारानै रहेकाले स्वच्छ वतावरण संरष्क्षणका लागि यस्ता गतिबिधिहरु गरीरहने बताए । गोकर्णेश्वर नगरपालिका ४ स्थित शहिदपार्क जगडोलमा झन्डै २ रोपनी जग्गामा बिभिन्न जडीबुटी , फल बिरुवा लगायत ३ सय बढी बिरुवाहरु रोपेको संघले जनाएको छ ।