काठमाडौंमा २३० जना, ललितपुरमा ४७ र भक्तपुरमा २४ संक्रमित थपिए

काठमाडौं – काठमाडौं उपत्यकामा थप ३ सय १ जनामा कोरोना भाइरसको संक्रमण पुष्टि भएको छ।

पछिल्लो २४ घण्टामा उपत्यकाभित्र ३ सय १ जनामा कोरोना भाइरसको संक्रमण देखिएको स्वास्थ्य मन्त्रालयका प्रवक्ता प्रा. डा जागेश्वर गौतमले जानकारी दिए।

बुधबार थपिएका संक्रमितहरू काठमाडौंका २ सय ३० जना, ललितपुरका ४७ जना र भक्तपुरका २४ जना छन्।

उनीहरूको काठमाडौंस्थित विभिन्न प्रयोगशालामा परीक्षण गरिएको हो।

पछिल्लो २४ घण्टामा ८ सय ८५ जना कोरोना भाइरसका संक्रमित थपिएको प्रवक्ता गौतमले जानकारी दिए।

मंगलबार मात्रै काठमाडौं उपत्यकामा दुई सय ३२ जनामा कोरोना भाइरसको संक्रमण देखिएको थियो।