आइतबार सुनको मूल्य उकालो लाग्यो

काठमाडौँ – नेपाली बजारमा सुनको मूल्यमा उतार चढाव आइरहेको छ । बिहीबार एकैदिन तोलामा ९ सय रुपैयाँले ओरालो लागेर ९६ हजार ६ सय रुपैयाँमा कारोबार भएको सुन आइतबार पुन: उकालो लागेको छ ।

आइतबार छापावाल सुनको मूल्य ९७ हजार कायम गरिएको नेपाल सुनचाँदी व्यवसायी महासंघले जनाएको छ । छापावालसँगै तेजाबी सुन पनि उकालो लागेर ९६ हजार ५ सय रुपैयाँ कायम भएको छ । बिहीबार तेजाबी सुनको मूल्य तोलाको ९६ हजार १ सय रुपैयाँ थियो ।

आज चाँदी पनि बिहीबारको तुलनामा ५ रुपैयाँले सस्तिएर १ हजार ३१५ रुपैयाँ प्रतितोला पुगेको महासंघले जनाएको छ ।