फेरि बढ्यो पेट्रोलियम पदार्थको मूल्य, हेर्नुस् कुनमा कति बढ्याे !

काठमाडौं – सरकारले पेट्रोलियम पदार्थको मूल्यमा फेरि वृद्धि गरेकाे छ। सोमबार मध्यरातदेखि लागू हुनेगरी पेट्रोल, डिजेल तथा मट्टीतेलकाे मूल्य बढाएकाे हाे ।

पेट्रोलमा प्रतिलिटर २ रुपैयाँ तथा डिजेल र मट्टीतेलमा ३/३ रुपैयाँका दरले मूल्य वृद्धि गरिएको हाे । अब काठमाडौंमा पेट्रोलको बजार मूल्य प्रतिलिटर १ सय १४ रुपैयाँ र डिजेल तथा मट्टितेलको प्रतिलिटर १/१ सय रुपैयाँ पुगेको छ ।

तर खाना पकाउने एलपीजी ग्यास र हवाइ इन्धनको मूल्य भने यथावत राखिएको छ । १५ दिनअघि मात्रै निगमले हवार्इ इन्धनबाहेक सबै इन्धनको मूल्य बढाएको थियो ।