‘यस कारण उद्योग वाणिज्य महासंघको एसोसिएटतर्फबाट उपाध्यक्षमा मेरो उम्मेदवारी’

काठमाडौ – नेपाल उद्योग वाणिज्य महासंघको आसन्न निर्वाचनमा सौरभ ज्योति एसोसिएटतर्फबाट उपाध्यक्षको पदमा आफ्नो उम्मेदवारी दिएका छन् । विगत १२ वर्षदेखि निरन्तर रुपमा महासंघको विभिन्न पदमा रहेर आफ्नो जिम्मेवारी सम्हालिसकेका सौरभ ज्योति यस पटक भने उपाध्यक्ष पदमा उम्मेदवारी दिएका हुन् ।

१२ वर्षसम्म गरेको कामका आधारमा उपाध्यक्ष पदमा उम्मेदवारी दिएको सौरभ ज्योतिले हरप्रहरसँगको कुराकानीमा बताए । आफू मात्र नभएर आफ्नो टिमका हरेक १९ जना व्यक्तिव जिम्मेवारी वहन गर्नसक्न क्षमता बोकेका विभिन्न क्षेत्रका व्यक्तिव रहेको पनि उनले बताए ।

व्यक्तिगत स्वार्थ त्यागेर महासंघ र निजि क्षेत्रको हितका लागि काम गर्ने व्यक्ति पदमा पुग्नुपर्ने पनि उनको भनाइ छ । आफ्नो प्यानलको उम्मेदवारी हचुवाका भरमा नभएर स्पष्ट भिजन पेपरसहितको रहेको जसमा देशको समृद्धि, लगानीको वातावरण, रोजगारीको वातावरण र यावत विषयहरु स्पष्ट रुपमा समेटिएको पनि उनले जानकारी दिए ।