थप ७७६ जनामा कोरोना पुष्टि, ९४७ जना कोरोनामुक्त

काठमाडौं – नेपालमा ७७६ जना नयाँ संक्रमित थपिएका छन् । स्वास्थ्य तथा जनसंख्या मन्त्रालयका अनुसार विगत २४ घण्टामा ७७६ जना नयाँ संक्रमित थपिएका हुन् ।

योसंगै नेपालभर कोरोना संक्रमितको संख्या दुई लाख ५१ हजार ६९२ रहेको छ । संक्रमित मध्ये दुई लाख ४० हजार ३६३ जना निको भएर घर फर्किसकेका छन् ।  हाल संक्रिय संक्रमितको संख्या ९ हजार ५८० रहेको छ ।

पछिल्लो २४ घण्टामा ९४७ जना कोरोनामुक्त भएका छन् भने ६ जनाको मृत्यु भएको छ । योसंगै मृत्यु हुनेको संख्या १७४९पुगेको छ ।