अष्ट्रेलियाको क्विन्सल्याण्डमा पौडी खेल्ने क्रममा डुबेर एक नेपालीको मृत्यु

काठमाडौँ – अष्ट्रेलियाको क्विन्सल्याण्डमा विदा मनाउने क्रममा परिवार र साथीहरुसँग पौडी खेल्न गएका एक नेपाली युवकको पानीमा डुबेर मृत्यु भएको छ ।

मंगलबार गार्डनर्स झरनामा पौडी खेल्ने क्रममा ४० वर्षिय नेपाली युवकको मृत्यु भएको सनसाइनकोष्ट डेलीले उल्लेख गरेको छ ।

दिउसो करिब ४:४५ बजेतिर पानीमा पौडी खेल्न पसेका युवक बेपत्ता भएका थिए । रातको ८ बजे मात्र प्रहरीले उनको शरिर बाहिर निकालेको थियो । १८ महिना अगाडी उनी डिपेन्डेण्ट भिषामा अष्ट्रेलिया पुगेका थिए ।

पछिल्लो समय अष्ट्रेलियामा पौडी खेल्ने क्रममा डुबेर मृत्यु भएकाको संख्या बढिरहेको छ ।