विदेशीतिर सरकारको नजर, लगानी जुटाउने उपायको खोजी !

काठमाडौं । विकास र समृद्धिको नारा लगाइरहेको ओली सरकार देशको ढिकुटी कसरी भर्ने भन्ने चिन्तामा छ । सरकार आउँदो मार्चमा काठमाडौंमा लगानी सम्मेलन गर्ने तयारीमा जुटेको छ ।

लगानी सम्मेलनको तयारीका लागि केही मन्त्री विदेश दौडाहामा निस्किएका छन् । विदेशबाट केही मन्त्रीहरुलाई काठमाडौंमै बोलाएर सरकारले लगानीका लागि आग्रह गरेको छ ।अर्थमन्त्री डा. युवराज खतिवडा लगानी जुटाउने वातावरण बनाउन बुधबार बेलायत पुगेका छन् । शनिबार परराष्ट्रमन्त्री प्रदीप ज्ञवालीको स्वीटजरल्याण्ड यात्रा तय भएको छ । यता, बेलायत र अष्ट्रियाका मन्त्रीहरु एकैसाथ काठमाडौं आएका छन् ।