२ हजार ५२ जनामा कोरोना संक्रमण पुष्टि, ३ हजार ३० संक्रमणमुक्त

काठमाडौं – बितेको २४ घण्टामा देशभर २ हजार ५२ जनामा कोरोनाभाइरस संक्रमण पुष्टि भएको छ । बुधबारको पत्रकार सम्मेलनमा स्वास्थ्य मन्त्रालयले ३ हजार ३० जना कोरोना संक्रमणमुक्त भएको जानकारी दिएको छ ।

मन्त्रालयको तथ्यांकमा कोरोना संक्रमित भन्दा निको हुने बढी देखिएको हो । यस्तै बितेको २४ घण्टामा २० जनाले ज्यान गुमाएको समेत मन्त्रालयले जनाएको छ। यससँगै देशभर कोरोनाबाट मृत्यु हुनेको संख्या १० हजार ७७० जना पुगेको छ ।

बितेको २४ घण्टामा १४ हजार ९३५ जनामा परीक्षण भएको थियो ।