बैंकिङ कसूर मुद्दाका फरार प्रतिवादी प्रहरीको नियन्त्रणमा

काठमाडौँ – बैंकिङ कसूर मुद्दाका फरार प्रतिवादीलाई बिहीबार प्रहरीले नियन्त्रणमा लिएको हो ।

काठमाडौं महानगरपालिका –६ बस्ने ६७ वर्षीय नारायण भक्त संगतलाई उच्च अदालत पाटनबाट २०७७ माघ २७ गते उक्त मुद्दामा ५ दिन कैद र १० लाख रुपैयाँ जरिवाना ठहर भई फरार रहेका उनलाई केन्द्रीय अनुसन्धान ब्यूरोले सिफलबाट पक्राउ गरेको हो ।

आफ्नो खातामा पर्याप्त मौज्दात रकम नभएको भन्ने जानी – जानी पीडितलाई झुक्यानमा पारी सिटिजन्स बैंकको चेक काटी दिई बैंकिङ कसूरजन्य अपराध गरेको ठहर गरी अदालतले नारायणलाई उक्त फैसला गरेको थियो ।