सशस्त्र प्रहरीद्वारा कुखुराको चल्ला बरामद

वीरगंज – सशस्त्र प्रहरी बल ड्राईपोर्ट बिओपीले अवैध कुखुराको चल्ला पक्राउ गरेको छ।

सशस्त्र प्रहरी ड्राईपोर्ट बिओपीका प्रमुख सशस्त्र प्रहरी निरीक्षक सम्राट भणडारीको कमाण्डमा खटिएको टोलीले भारतवाट अवैधरुपले भित्रिएको २४ कार्टुन कुखुराको चल्लासहित २ दुईवटा मोटरसाइकल नियन्त्रणमा लिएको सशस्त्र प्रहरीले जनाएको छ।

बरामद गरिएको २४ कार्टुनमा १९२० गोटा चल्ला रहेको र सो चल्लाको मूल्य करिव २ लाख ५० हजार बराबर रहेको सशस्त्र प्रहरीले बताएका छन्।

उक्त पक्राउ परेको भारतीय नम्बर मोटरसाइकल bro5f7785 र नेपाल नम्बरको मोटरसाइकल ग १५ प ९९४१ नम्बरको मोटरसाइकल राजशव कार्यालय पथलैया बारामा बुझाएको छ भन्ने कुखुराको चल्लाको स्थानीय, पत्रकार, राजशव अनुसन्धान र पशु क्वारेन्टाइनको प्रतिनिधिहरुको उपस्थितिमा नष्ट गरिएको छ।