नेपालभाषा साहित्य नखः को चौथो संस्करण कीर्तिपुरमा

यस पटकको नेपालभाषा साहित्य नखः को चौथो संस्करण कीर्तिपुरमा चैत ११ र १२ गते हुने भएको छ । नेपालभाषा टाइम्सले विगत पाँच वर्षदेखि नेपालभाषा साहित्य नख: आयोजना गर्दै आइरहेको छ। यस महोत्सवमा नेपालभाषाका पुस्तकहरु विमोचनका साथै विभिन्न विषयमा अन्तर्क्रिया कार्यक्रम आयोजना हुने साथै ‘नेवा: ऋतु म्ये’ विषयमा वरिष्ठ संगीतकर्मी रामकृष्ण दुवालसँग अन्तर्क्रिया समेत हुनेछ।

यसै गरि यसपटक महानगरपालिकाका प्रमुख विद्यासुन्दर शाक्य, ललतिपुर महानगरपालिकाका प्रमुख चिरिबाबु महर्जन, कीर्तिपुर नगरपालिकाका प्रमुख रमेश महर्जन र उपप्रमुख सरस्वती खड्का रिजाललाई सम्मानित गर्ने कार्यक्रम रहेको छ। उक्त समान विद्यालय तहमा नेपालभाषामा पाठ्यक्रमको व्यवस्था गरेको बापत गर्न लागेको जानकारी पत्रकार सम्मेलनमा दिएको थियो।

महोत्सवमा नेपालभाषाका नाटक, गीत, कविता समेत प्रस्तुत गरिनेछ। पहिलो दिन चैत ११ गते कीर्तीपुर लायकूमा आयोजना हुनेछ। यस्तै, चैत १२ गते शनिवार भने कीर्तिपुरकै पांगा लाछिमा कार्यक्रम हुनेछ।