आजको विदेशी मुद्राको विनिमयदर यस्तो छ

काठमाडौं – अमेरिकन डलरको भाउ लगातार उकालो लाग्न थालेको छ । नेपाल राष्ट्र बैंकका अनुसार पछिल्ला दिनहरूमा डलरको भाउ उकालो लाग्न थालेको हो ।

गत सोमबार अमेरिकन १ डलरको खरिददर १२० रुपैयाँ ९८ पैसा र विक्रीदर १२१ रुपैयाँ ८० पैसा कायम भएको थियो । त्यसयता डलरकाले भाउ लगातार ३ दिन उकालो लागेको हो । बिहीबार (आज) १ डलरको खरिददर १२१ रुपैयाँ ७९ पैसा कायम भएको छ भने विक्रीदर १२२ रुपैयाँ ३९ पैसा कायम भएको छ । ३ दिनको अन्तरालमा १ डलरको खरिददर ८१ पैसा र विक्रीदर ५९ पैसा वृद्धि भएको हो ।

डलरको भाउ यसअघि फागुन २४ गते बढेर १२३ रुपैयाँ ४४ पैसासम्म पुगेको थियो ।

त्यस्तै युरोपियन युरो, युके पाउन्ड स्टलिङ पनि लगातार बढ्न थालेको छ ।