घट्यो डलरको भाउ

काठमाडौं – केही दिनयता स्थीर रहेको अमेरिकन डलरको भाउ मंगलबार घटेको छ । नेपाल राष्ट्र बैंकका अनुसार मंगलबार अमेरिकन १ डलरको खरिददर १२० रुपैयाँ ५८ पैसा र विक्रीदर १२१ रुपैयाँ १८ पैसा कायम भएको छ । सोमबार खरिददर १२० रुपैयाँ ९७ पैसा र विक्रीदर १२१ रुपैयाँ ५७ पैसा रहेको थियो ।

राष्ट्र बैंकका अनुसार आज युरोपियन युरो र युके पाउण्ड स्टलिङको भाउ पनि घटेको छ । आज युरो १ को खरिददर १३२ रुपैयाँ ७५ पैसा र विक्रीदर १३३ रुपैयाँ ४१ पैसा कायम भएको छ । हिजो १ युरोको खरिददर १३३ रुपैयाँ ७३ पैसा र विक्रीदर १३४ रुपैयाँ ४० पैसा थियो ।

त्यसैगरी हिजो १ युके पाउण्ड स्टलिङको खरिददर १५८ रुपैयाँ ६४ पैसा र विक्रीदर १५९ रुपैयाँ ४३ पैसा कायम भएकोमा आज घटेर १ पाउण्ड स्टलिङको खरिददर १५८ रुपैयाँ १५ पैसा र विक्रीदर १५८ रुपैयाँ ९३ पैसा कायम भएको छ ।

आज जापानी येन १० को खरिददर ९ रुपैयाँ ८३ पैसा र विक्रीदर ९ रुपैयाँ ८८ पैसा रहेको छ । चाइनिज युन १ को खरिददर १८ रुपैयाँ ९५ पैसा र विक्रीदर १९ रुपैयाँ शुन्य ४ पैसा छ ।