निर्वाचन अगावै नेकपा (एकिकृत समाजवादी) का उम्मेदवार निर्विरोध निर्वाचित

बैशाख ३० गते हुने स्थानीय तह निर्वाचन अगावै नेकपा (एकिकृत समाजवादी) का उम्मेदवार मनोनयन कै दिन निर्विरोध निर्वाचित भएका छन् ।

उम्मेद्वारी दर्ता कै दिन समाजवादीका तर्फबाट उम्मेदवारी दिएका दुई गाउँपालिका अध्यक्ष र एक गाउँपालिका उपाध्यक्ष निर्विरोध निर्वाचित भएका हुन् ।

अन्य कुनै पनि उम्मेदवारी नपरेकाले काइके गाउँपालिका अध्यक्ष अङ्गत राना, छार्का ताम्सोङ गाउपालिका अध्यक्ष सेनाङ गुरुङ निर्विरोध भएका छन् भने डोल्पो बुद्ध गाउपालिका उपाध्यक्ष पनि निर्विरोध निर्वाचित भएका हुन् ।

त्यस्तै, एकिकृत समाजवादीका तर्फबाट उम्मेदवार बनेका ६ जना वडा अध्यक्षहरु पनि निर्विरोध भएका छन् ।