नेकपा एसका अध्यक्ष नेपालको महालक्ष्मी नगरपालिकामा बृहत चुनावी जनसभा

नेकपा (एकीकृत समाजवादी) का अध्यक्ष माधव कुमार नेपालले महालक्ष्मी नगरपालिकामा बृहत चुनावी जनसभालाई सम्बोधन गर्ने भएका छन् ।

जनसभालाई सम्बोधन गर्न अध्यक्ष नेपाल मंगलबार ललितपुरको लुभुमा आउन लागेका हुन् । कार्यक्रम दिनको १२:३० को समयमा तय गरिएको आयोजक एकीकृत समाजवादीको महालक्ष्मी नगर कमिटीले जानकारी दिएको छ ।

महालक्ष्मी नगरपालिकामा नेकपा (एकीकृत समाजवादी) को तर्फबाट मेयरमा नकुल थापाको उम्मेदवारी परेको छ ।

गठबन्धनबाट अलग्गिएर पनि बिजयको माहोल बनाएको नेकपा (एकीकृत समाजवादी) को महालक्ष्मी नगरपालिकाका मेयर र उप-मेयर पदका उम्मेदवारलाई अध्यक्ष नेपालको सम्बोधनले थप टेवा पुग्ने विश्वास लिइएको छ ।