काठमाडाैँ महानगर : बालेन ३ हजार मतले अगाडि, सुनिता ४ हजार मतले अगाडि

महानगरपालिकामा प्रमुख पदका स्वतन्त्र उम्मेदवार बालेन साहको ३ हजार भन्दा बढी मतले अगाडि छन् । पछिल्लो मतपरिणामअनुसार प्रमुख पदका स्वतन्त्र उम्मेदवार साहले ६ हजार ४८६ मत प्राप्त गरी आफ्नो अग्रता कायम राखेका छन् ।

नेकपा (एमाले) का केशव स्थापितले भने ३ हजार ४१३ मत ल्याएका छन् । यसैगरी नेपाली कांग्रेसका सिर्जना सिंहले ३ हजार ९ मत प्राप्त गरेकी छन् । स्थापितभन्दा बालेन साह ३ हजार ७३ मतले अगाडि छन् ।

यसैगरी उप-प्रमुनमा एमालेको तर्फबाट उम्मेदवार रहेकी सुनिता डङ्गोलले ५ हजार ८९६ मत प्राप्त गरेकी छन् भने नेकपा (एकीकृत समाजवादी) का रामेश्वर श्रेष्ठले १ हजार ६३२ मत प्राप्त गरेका छन् । श्रेष्ठभन्दा डंगाेल ४ हजार २६४ मतले अगाडि छन् ।