दुई तिहाइको सरकारलाई ओलीले माछोमाछो भ्यागुतो बनाएः नेता खनाल

नेकपा एकीकृत समाजवादीका सम्मानित नेता झलनाथ खनालले एमाले अध्यक्ष केपी ओलीले खुई तिहाइको सरकारलाई माछोमाछो भ्यागुतो बनाएको टिप्पणी गरेका छन् ।

६४औं संसद सेवा दिवसका अवसरमा पूर्वसांसद मञ्चले बिहीबार गरेको कार्यक्रममा खनालले ओलीले पटकपटक संसद विघटन गरेर जनमतको खिलाफमा उभिएको आरोप लगाए ।

खनालले संसद जनताको आवाज बोल्ने थलो भन्दै त्यसलाई आफूलाई झ्वाँक चलेका बेला विघट नगर्न नपाइने उल्लेख गरे । उनले अदालतबाट पुनस्र्थापित संसद पनि पटकपटक अवरोध गरेर चल्न नदिएकामा आपत्ति जनाए ।

खनालले भने, ‘दुई तिहाईको नेकपाको सरकार बनेपछि भूमिसुधार नीति लागू होला, कृषि क्रान्ति होला, उद्योगहरू स्थापना होला भन्दा माछोमाछो भ्यागुतो भयो’, उनले भने ।