पर्सा प्रहरीद्वारा ९० किलो गाँजा बरामद : दुई भारतीय नागरिक पक्राउ

पर्सा प्रहरीले ९० किलो लागू औषध गाँजासहित २ जनालाई नियन्त्रणमा लिएको छ। जिल्ला प्रहरी कार्यलय पर्सा र प्रदेश प्रहरी कार्यालय जनकपुरले विशेष सुचनाको आधारमा वीरगंज महानगरपालिका वडा नम्वर २८ बगहीवाट ९० किलो गाँजा बरामद गरेको हो ।

प्रहरीले भारतीय नम्बर युपी ७० बिके ९५५५ नम्बरको कारलाई रोकी चेक गर्दा कारमा लुकाई राखिएको ९० केजी गाँजासहित दुई भारतीय नागरिकलाई नियन्त्रणमा लिएको पर्सा प्रहरीले जनाएको छ।

पक्राउ पर्नेमा भारतको युपी जिल्ला मऊका रबिकान्त भारती र भारतको बिहार जिल्ला बेतिया पश्चिमी चम्पारण तेलुवा वडा नम्बर १० का सन्तोष भारतीलाई नियन्त्रणमा लिई लागू औषध सम्बन्धी कसूरमा अनुसन्धान अगाडि बढाएको जिल्ला प्रहरी कार्यलय पर्साले जनाएको छ।