घट्यो सुनको मूल्य

आज सुनको मूल्य प्रतितोला १ हजार रुपैयाँले घटेको छ । नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला ९३ हजार रुपैयाँ र तेजाबी सुनको मूल्य प्रतितोला ९२ हजार ५०० रुपैयाँ छ । हिजो बुधबार छापावाल सुनको मूल्य प्रतितोला ९४ हजार रुपैयाँ र तेजाबी सुनको मूल्य ९३ हजार ५०० रुपैयाँ थियो ।

हिजो सुनको मूल्य प्रतितोला २०० रुपैयाँले बढेको थियो । मंगलबार तोलामा ९३ हजार ८०० रुपैयाँ रहेको छापावाल सुनको मूल्य हिजो बढेर ९४ हजार पुगेको थियो । सुनको मूल्य घट्दा आज चाँदीको मूल्य पनि घटेको छ ।

आज प्रतितोला १० रुपैयाँले घटेर चाँदीको मूल्य ११ सय ५५ रुपैयाँ कायम भएको छ । हिजो यसको मूल्य तोलामा ११ सय ६५ रुपैयाँ थियो ।