काँग्रेसले प्रधानमन्त्री प्रचण्डलाई विश्वासको मत दिने

नेपाली काँग्रेसले प्रधानमन्त्री पुष्पकमल दाहाल प्रचण्डलाई विश्वासको मत दिने निर्णय गरेको छ ।

भर्खरै सम्पन्न केन्द्रीय कार्यसम्पादन समिति बैठकले प्रधानमन्त्री प्रचण्डलाई विश्वासको मत दिने निर्णय गरेको हो ।

पदाधिकारीहरुको मंगलबार बिहान बसेको काँग्रेस पदाधिकारी बैठकले प्रचण्डलाई विश्वासको मत दिने वा नदिने भन्ने विषयमा निष्कर्ष निस्कन नसकेपछि कार्यसम्पादन समितिको बैठक बोलाइएको थियो ।

उक्त कार्यसम्पादन समितिको बैठकले प्रधानमन्त्री प्रचण्डलाई विश्वासको मत दिने निर्णय गरेको हो । तर विश्वासको मत दिए पनि काँग्रेस प्रतिपक्षमै बस्ने निर्णय भएको जनाइएको छ ।

प्रधानमन्त्री प्रचण्डले केही बेरमै नयाँ वानेश्वरमा बस्ने बैठकबाट विश्वासको मत लिँदैछन् । प्रचण्ड गत पुस १० गते प्रधानमन्त्रीमा नियुक्त भएका थिए ।