वर्षमान पुनको कलेजो प्रत्यारोपण गरिँदै

नेकपा माओवादी केन्द्रका उपमहासचिव वर्षमान पुनको कलेजो प्रत्यारोपण गरिने भएको छ ।

उनको कलेजोमा समस्या देखिएको पुनको उपचारमा संलग्न पेट रोग विशेषज्ञ प्रा. डा. युवराज शर्मा ले बताए। पुनको कलेजोले ८० प्रतिशत भन्दा बढी भाग बिग्रिसकेको भयकाले कलेजो प्रत्यारोपण नै गर्नुपर्ने शर्माले बताए।

डा. शर्माका अनुसार पुनको दुई महिनादेखि पेटमा पानी जम्ने समस्या देखिएको र सुमेरु सिटी अस्पतालमा ल्याइएपछि पुनको पेटबाट साढे २ लिटर पानी निकालिएको थियो । स्वास्थ्यमा समस्या देखिएपछि पुनलाई गत शनिबार रोल्पाबाट हेलिकप्टरमा ल्याई सुमेरु सिटी अस्पतालमा भर्ना गरिएको थियो ।

प्रत्यारोपण कहाँ गर्ने भन्ने बिषयमा छलफल भइरहेको डा. शर्मा जानकारी दिए। पुनलाई वंशाणुतग रूपमा रहेको जण्डिस देखिएको छ । उनले यसभन्दा अगाडि चीनमा आफ्नो स्वास्थ्य उपचार गराइरहेका थिए ।