लागूऔषध ‘नाईट्रोभेट’ सहित चितवनका सुनिल बिक पक्राउ

पर्सा प्रहरीले अवैध लागूऔषध सहित एक जनालाई पक्राउ गरेको छ। जिल्ला प्रहरी कार्यालय पर्साले ६ सय मात्रामा प्रतिबन्धित लागूऔषध नाईट्रोभेट सहित एक युवकलाई पक्राउ गरेको हो।

प्रहरीले चेकजाँचको क्रममा उक्त लागूऔषध सहित चितवनका सुनिल बिकलाई नियन्त्रणमा लिएको जिल्ला प्रहरी कार्यालय पर्साका प्रबक्ता एवम प्रहरी नायब उपरीक्षक दिपक गिरीले जानकारी दिए ।

प्रहरी चौकी गण्डक चौकमा खटिएको प्रहरी टोलीले वीरगंजबाट हेटौंडातर्फ जाँदै गरेको सार्वजनिक बसलाई रोकी चेकचाँज गर्दा बसमा सवार रहेका बिककाे कम्मरमा लुकाई राखेको अवस्थामा नाईट्रोभेटसहित पक्राउ गरेको जिल्ला प्रहरी कार्यालय पर्साका प्रहरी नायब उपरीक्षक दिपक गिरीले बताए ।

पक्राउ परेका बिकलाई नियन्त्रणमा लिई लागूऔषध कसूरमा मुद्दा चलाएको प्रहरी नायब उपरीक्षक गिरीले बताए।