एसिया ट्रायथलन संघको सिनियर सल्लाहकारमा निलेन्द्रराज श्रेष्ठ

नेपाल ट्रायथलन संघका अध्यक्ष निलेन्द्रराज श्रेष्ठ एसिया ट्रायथलन संघको सिनियर सल्लाहकारमा नियुक्त भएका छन् । साउदी अरेबियाको रियादमा बसेको चुनावपछिको पहिलो तथा ९० औं कार्यकारी बैठकमा अध्यक्ष अल्दुल अजिजले निलेन्द्रराज श्रेष्ठलाई सिनियर सल्लाहरमा नियुक्त गर्ने निणर्य गरेको हो ।

अब एसिया ट्रायथलन संघको केन्द्रीय कमिटीको बैठकमा श्रेष्ठले सहभागिता जनाउन पाउने छन् । उनी अन्तर्राष्ट्रिय ट्रायथलन संघको एनओसी रिलेसन कमिसनका सदस्य, ओलम्पिक काउन्सिल अफ एसियाअन्तर्गतको कार्यकारी कार्यालयका सदस्य तथा शैक्षिक कमिटीका अध्यक्ष पनि हुन् ।

संघको वरिष्ठ सल्लाहकारमा नियुक्त भएपछि श्रेष्ठले नेपालमा ट्रायथलनको विकासमा अझ बढी सक्रिय भूमिका निर्वाह गर्न सकिने विश्वास व्यक्त गरे ।

श्रेष्ठ नेपाल ट्रायथलन संघका अध्यक्ष तथा नेपाल ओलम्पिक कमिटीका महासचिव हुन् । यस्तै उनी विश्व ट्रायथलन अन्तर्गतको एनओसी रियलेसन कमिसनका सदस्य तथा ओलम्पिक काउन्सिल अफ एसियाको कल्चर कमिसनका सदस्य समेत हुन् ।