कोरोना त्रास हराएकै हो त ? साँझ पर्दै जान्छ, मानिसहरुको भिड बढ्दै जान्छ (भिडियोसहित)

काठमाडौँ – सरकारले जेठ ३२ पछि औपचारिक रुपमै लकडाउन खुकुलो गर्ने निर्णय गर्यो । लकडाउन खुकुलो भएसँगै कोरोना संक्रमितको संख्यामा पनि ह्वात्तै वृद्धि हुदै गयो । करिब तीन महिनाको लकडाउनको अवस्थाले व्यवसायीहरु देखि दैनिक ज्याला गरेर खाने श्रमिकहरु निकै ठूलो मारमा परे । सरकारले पनि उनीहरुकै दवाव र अवस्थाका कारण लकडाउन केहि खुकुलो गर्ने निर्णय गर्यो ।

महिनौ बितिसक्दा पनि कोरोना पनि कोरोनाविरुद्धको कुनै खोप वा औषधीको आविष्कार हुन सकेन । सुरुवाती दिनमा जति कोरोनाको त्रास मानिसमा देखिन्थ्यो त्यो हालको अवस्थामा निकै सामान्य बन्दै गइरहेको देख्न सकिन्छ । साँझ पर्न थालेपछि मानिसहरु निर्वादरुपमा किनमेल गर्न निस्किन थालेका छन् । हुन त अव कोरोनासँगै लिभिङ्ग टुगेदर गर्नु पर्छ भनेर एक मन्त्रीले भने । प्रधानमन्त्रीको आजभोलिका अर्ति उपदेशका आशय पनि यस्तै नै हुने गरेका छन् ।

अव्यवस्थित तरिकाले फुटपाथमा राखिएका पसलहरुले भिड बढाउने र बाटो हिड्न साघुरो बनाएको छ । फुटपाथ पसललाई पनि उचित व्यवस्थापन गर्न सके कोरोना रोक थाममा सहयोग पुग्छ । कोरोना महामारीबीचमा फुटपाथमा रहेका पसलहरुलाई पनि केहि व्यवस्थित गर्न जरुरी देखिन्छ ।

कोरोना लागि हाले पनि मनोबल उच्च राखेँ कोरोनालाई सजिलै पराजित गर्न सकिने उदाहरणहरु पछिल्लो समय निकै देख्न पाइयो । त्यो भन्दैमा कोरोना प्रतिको सतर्कता अपनाउन भने छोड्नु हुदैन । किनमेल गर्दा होस वा हिड्डुल गर्दा होस भौतिक दुरी कायम गर्न भने नछोडौँ । सतर्कता अपनाउ, कोरोना लागि हाले पनि मनोबल उच्च राखौँ ।