क्वारेन्टिनमा रहेका ३० वर्षीय एक युवाले आत्महत्या गरे

काठमाडौँ – बझाङ जिल्लाको क्वारेन्टिनमा रहेका एक युवाले आत्महत्या गरेका छन् । छबिसपाथिभेरा गाउँपालिका–७ मजखोरी माविको क्वारेन्टिनमा बसेका स्थानीय ३० वर्षीय युवकले आत्महत्या गरेका हुन् ।

वडा नम्बर ७ का अध्यक्ष पदम मण्डेलका अनुसार तीन दिनअघि मात्र भारतको बैंग्लोरबाट आएर क्वारेन्टिनमा बसेका उनले आइतबार राति आत्महत्या गरेका हुन् ।

वडा अध्यक्ष मण्डेलका अनुसार असार ६ गतेदेखि उनी क्वारेन्टिनमा बसिरहेका थिए र आइतबार राति उनी झुण्डिएर आत्महत्या गरेको अवस्था भेटिए ।

पीसीआर परीक्षणका लागि उनको स्वाब संकलन गर्न सदरमुकामबाट स्वास्थ्यकर्मीको टोली हिँडेको पनि वडाध्यक्ष मण्डलले जानकारी दिए ।