ओली अत्तालिए, प्रधानसेनापतिलाई भेट्न पुगे !

काठमाडौँ – राजिनामाको दबाबले अत्तालिएका प्रधानमन्त्री एवं नेकपाका अध्यक्ष केपी शर्मा ओलीले आइतबार प्रधानसेनापति पूर्ण चन्द्र थापालाई भेट गरेका छन् ।

उनीहरुको भेटको उद्धेश्यबारे जानकारी नभएपनि सरकारलाई लम्ब्याउनका लागि संकटकाल लगाउने मनस्थितिमा पुगेका ओलीले त्यसबारेमा प्रधानसेनापतिको राय लिनका लागि भेटघाट गरेको अनुमान लगाइएको छ ।

पार्टी विभाजनको संघारमा पुगेको सत्ताधारी नेकपाका दुई अध्यक्षको निर्णायक भनिएको वार्ता सकिएपछि प्रधानमन्त्री ओलीले शीतल निवास र बालुवाटार दौडधुप गरिरहेका छन् ।

बालुवाटारमा पार्टीका दुई अध्यक्ष केपी शर्मा ओली र पुष्पकमल दाहाल प्रचण्डले आ–आफ्नो पक्षका साक्षी नेतासहित छलफल गरेका छन्।