लुटेरासंग सुन खरिद गर्ने पसलेसहित गलाबाटै सुनको सिक्री तान्ने तीन लुटेरा पक्राउ

काठमाडौँ – झोछे सडक गल्लीमा गलाको सिक्री तानेर लुट्ने गिरोहका तीन जनालाई जनसेवा प्रहरी प्रभाग विशलबजारले पक्राउ गरेको छ ।

अकेश नकर्मी, विक्की मगर र नेहा शर्मा नकर्मीलाई सिसि टिभि फुटेजका आधारमा प्रहरीले पक्राउ गरेको हो । नेहा शर्मा अकेशकी श्रीमती हुन् ।

श्रावण ६ गते दिउसो करिब ४ बजे तिर उनीहरुले बसन्तपुरकी श्रुती शाक्यको गलाबाटै सिक्री तानेर लुटेका थिए ।

लुटेराले लुटेको अवैध सुन खरिद गर्ने माँ हारती सरण सुनचाँदी पसलका संचालक अशोक शाक्यलाई पनि पक्राउ गरी अनुसन्धान गरिरहेको जनसेवा प्रहरी प्रभाग विशलबजारका डिएसपी सुनिल जङ्ग शाहले जानकारी दिए ।