दुई दशक अगाडी निकै चर्चा कमाएको टेलिसिरियल ‘हिजोआजका कुरा’ चलचित्रको रुपमा प्रर्दशन हुने भएको छ।
वरिष्ठ हास्यकलाकार सन्तोष पन्तको मुख्य भूमिका रहेको यो चलचित्रमा पुरानै कलाकारहरु रमा थपलिया, सबिन शाक्य, मंजु श्रेष्ठलगाएत नयाँ थप अनुहारका चर्चित कलाकारहरु जयनन्द लामा, लक्ष्मी भुषाल, निरन्जन अर्याल, रमेश अधिकारी, कमला रेग्मी, रीचा शर्मा, रीमा विश्वकर्मा, दिव्यदेव पन्त, केकी अधिकारी, साकार पन्त, अनुष्का अधिकारी, जेविका कार्की, विनायक कुइकेल आदिको जोडदार भूमिकामा रहेको छ।
पन्त फ्लिम प्रोडक्सनको ब्यानरमा निर्माण भएको यस चलचित्रको छायांकनमा रवि सायमी, सम्पादन / कलर / ग्राफिक्समा बिनय कंसाकार, पार्श्व संगीतमा भुपेन्द्र बज्राचार्य, साउण्ड मिक्सिंग बिजु बज्राचार्यको रहेका छ । कथावस्तुमा सन्दिप कृष्णा, साकार पन्त, निरन्जन पन्त रहेका छन्।
रामकृष्ण ढकाल, मेलिना राइ, हर्कुलस बस्नेत, सन्ध्या जोशीले स्वर दिएका छन् भने आनन्द अधिकारी, हर्कुलस बस्नेत, सविन (एकतारे)को शव्दमा दिपक शर्मा, हर्कुलस बस्नेतको सुमधुर संगीत रहेको छ।
सामाजिक परिवेश भित्रका घटना-परिघटनालाई समेटेर तयार गरिएको यस चलचित्र पुरानै टेली सिरियलको स्वादलाइ नयाँ ढंगले पस्किएको निर्माण पक्षले जानकारी दियो । यस चलचित्रले युवा पुस्तालाइ हदै सम्म प्रभावित गर्ने पनि निर्माण पक्षले विश्वास लिएको छ।
www.harprahar.com
हरप्रहर – निष्पक्ष खबर
मिडिया फ्याक्ट्री प्रा. लि. द्वारा संचालित
सम्पादक : सुभद्रा लम्साल
सातदोबाटो, ललितपुर, बागमती प्रदेश
९८५११६८१२२
सूचना विभाग दर्ता नम्बर: १९९२
प्रेस काउन्सिल सूचीकरण नम्बर: २१७७