कामपा २४ वडामा काँग्रेस विजयी ,अध्यक्षमा राजभण्डारी निर्वाचित

काठमाडौँ महानगरपालिका वडा नं २४ को अध्यक्ष पदमा विनोदकुमार राजभण्डारी निर्वाचित हुनुभएको छ । स्थानीय तह सदस्य निर्वाचनअन्तर्गत गएको बैशाख ३० गते सम्पन्न निर्वाचनमा १ हजार १३२ मत ल्याएर नेपाली कांग्रेसका उम्मेदवार राजभण्डारी निर्वाचित हुनुभएको छ भने उनका निकटतम प्रतिद्वन्दी नेकपा (एमाले) का उम्मेदवार सुजन विलास बज्राचार्यले ९२४ मत प्राप्त गरे ।

निर्वाचनबाट महिला सदस्य पदमा नेपाली कांग्रेसकी सुनिता महर्जनले १ हजार १६६ मत ल्याएर विजयी हुनुभयो । यो वडामा दलित महिला सदस्य पदमा कसैको उम्मेदवारी नपरेका कारण यो पद खाली नै छ । वडा सदस्य पदमा नेकपा एमालेका उम्मेदवार रत्नाकर बज्राचार्य र नेपाली कांग्रेसका उम्मेदवार कृष्णमान सिंह निर्वाचित हुनुभएको छ । उहाँहरुले क्रमशः १,०१३ र ९७३ मत प्राप्त गर्नुभएको छ ।