काठमाडौँ महानगर वडा १५ मा इश्वरमान डंगोल अत्याधिक मतान्तरसहित विजयी

काठमाडौँ महानगरमा नेकपा एकीकृत समाजवादीले विजयीको खाता खोलेको छ । महानगरको वडा १५ मा इश्वरमान डंगोल विजयी भएसँगै नेकपा (एकीकृत समाजवादी) ले खाता खोलेको हो ।

वडाध्यक्षमा निर्वाचित डंगोलले तीन हजार ४ सय ७६ मत पाउदा उनका प्रतिस्पर्धि नेपाली कांग्रेसका जिवन डंगोलले १ हजार ५ सय ७२ मत मात्र ल्याए । यसरी दोब्बर भन्दा बढी मतान्तरसहित इश्वरमान डंगोल वडाध्यक्षमा निर्वाचित भएका छन् ।

इश्वरमान डंगोल ०७४ को स्थानीय निकायको निर्वाचनमा नेकपा एमालेबाट निर्वाचित भएका थिए । उनी नेकपा एमाले विभाजनसँगै नेकपा (एकीकृत समाजवादी) तर्फ लागेका थिए ।