फिल्म ‘बाबरी’को ट्रेलर सार्वजनिक (भिडिओ)

सुरेन्द्र पौडेलले निर्देशन गरेको फिल्म ‘बाबरी’को ट्रेलर भएको छ। हिजो बिश्वज्योति हल जमलमा भएको एक कार्यक्रममा उक्त फिल्मको ट्रेलर सार्वजनिक गरिएको हो । निर्देशक पौडेलको कथा र सम्पादन रहेको फिल्मलाई नरेन्द्र मैनालीले छायांकन गरेका छन्।

सार्वजनिक ट्रेलरमा अदिती बुढाथोकी र धीरज मगरको मुख्य भूमिका रहेको फिल्म त्रिकोणात्मक प्रेमकथामा निर्माण भएको छ । उक्त फिल्ममा धिरज, अदिती र धिरजसँगै बादल भट्ट, कमलमणी नेपाल, उर्मिला बस्नेत, ध्रुव कोइराला, सुनिता श्रेष्ठ, नितेश गुरुङ, त्रिशला तामाङ, दिलिप गुरुङलगायत कलाकारको अभिनय छ। धिरज नाडकर यसै फिल्मबाट डेब्यू गर्दैछन्। उनी अभिनेत्री तृप्ति नाडकरका छोरा हुन्।

३१ भदौमा रिलिज हुन लागेको फिल्म सरेर १४ असोजमा पुगेको छ । फिल्म दशैंको छेको पारेर प्रदर्शनमा आउन लागेको हो ।