नेपाल भाषाको टेलिचलचित्र ‘ख्वताबजि’ ९ सय भाग पूरा

नेपाल भाषाको टेलिचलचित्र ‘ख्वताबजि’ ले प्रसारणको ९ सय भाग पुरा गरेको उपलक्ष्यमा कलाकार तथा शुभचिन्तकहरूबिच खुसीयाली साटासाट गरेका छन् । गत बुधबार नगरकोटमा एक कार्यक्रमको आयोजना गरी निर्माण टिमले खुसीयाली साटासाट गरेका हुन् ।

कार्यक्रममा निर्देशक तथा कलाकार सुरेन्द्र तुलाधरले सबैको साथ सहयोगले ९ सय भागसम्म आइपुग्न सफल भएको बताए । उनले आफूहरूको नेपाल भाषा प्रति मायाको कारण यसलाई निरन्तर साथ र हौसला प्रदान गर्ने इमेज च्यानलका महाप्रबधक रघुबीर मानन्धरलाई विशेष धन्यवाद व्यक्त गरेका थिए । उनले दर्शहरूको साथ सहयोग रहे टेलिफिल्मले एक हजार भाग सम्म पनि सजिलै तय गर्न सक्ने बताए ।

यस्तै कलाकार भोगेन्द्र मानन्धरले आरोह अवरोह पार गर्दै टेलिफिल्मलाई ९ सय भागसम्म पुर्‍याउन सफल भएको बताए । उनले विविध बाधा अड्चनबिच पनि आफूहरूले निरन्तर टेलिफिल्म छायाङ्कन र प्रसारण गर्दै आएकोले पनि आफूहरूलाई सफलता मिलेको बताए ।

यस्तै कलाकार रोमन जोसीले टेलिफिल्म एकदमै राम्रो लागेकोले निरन्तर काम गरेको बताए । आफ्नो कलाकारिता यात्रामा ‘ख्वताबजि’ले नयाँ पहिचान दिएको जोसीको भनाई थियो ।

कार्यक्रममा बोल्दै च्यानलका महाप्रबधक रघुबीर मानन्धर वरिष्ठ कलाकार तथा निर्देशक सुरेन्द्र तुलाधर एबम टिमले टेलिफिल्म निर्माण टिमलाई सफलताको शुभकामना व्यक्त गरिएको थियो। साथै इमेज च्यानलले सधै यस्ता नेपाल भाषाका टेलिचलचित्रलै सदा साथ दिने बचन ब्यक्त गरे । कार्यक्रममा ख्वताबजिका चर्चित कलाकारहरूको सहभागिता रहेको थियो ।

कार्यक्रममा ख्वताबजिका कलाकारहरूलाई सम्मान स्वरुप प्रमाण पत्र हस्तान्तरण पनि गरिएको थियो । दुइ दिन भएको कार्यक्रममा ख्वताबजिका वरिष्ठ कलाकार भोगेन्द्र मानन्धरको जन्म दिन पनि मनाइएको थियो ।