राउण्ड टेबल नेपालले ‘फाइभ के फन रन’ आयोजना गर्दै

राउण्ड टेबल नेपालले मोटोपनाको लागि ‘फाइभ के फन रन’ आयोजना गर्ने भएको छ । मार्च ५ तरिखका दिन उक्त दौड कार्यक्रम आयोजना गरिने आयोजकले जानकारी दिए ।

दौड कार्यक्रममा एक हजार सहभागी रहने अपेक्षा गरिएको पनि आयोजकले जानकारी दिए । कार्यक्रम शनिबार बिहान साढे सातबजे सुरु हुनेछ जसमा सहभागीले दुई सय रुपैया दर्ता शुल्क तिर्नु पर्ने छ । शुल्क तिरेवापत सहभागीले प्रमाणपत्र र एक टि-सर्ट प्राप्त गर्ने पनि आयोजकले जानकारी दिए ।

राउण्ड टेबल नेपाल १८ देखि ४० वर्ष उमेर समुहका युवाहरुको गैरराजनीतिक र गैरसाम्प्रदायिक संगठन हो । स्वास्थ्य र शिक्षाको क्षेत्रमा पिछडिएका समुदायको पहुँच पुर्याउने संगठनको लक्ष्य रहेको पनि आयोजकको भनाइ छ ।

कार्यक्रममा ९८४०१४९५२८ वा ९८६४०६४६९४ वा ९८०६५८९०२८ मा फोन गरेर सहभागिता जनाउन सकिने पनि आयोजकले जानकारी दिएको छ ।