कलाकार गणेश मुनालको निधन !

काठमाडौं– वरिष्ठ कलाकार गणेश मुनालको निधन भएको छ । केही समयदेखि वीरअस्पतालमा उपचारत मुनालको सोमबार बिहान निधन भएको हो । सशक्त अभिनय र वजनदार आवाजका कारण ख्याति कमाएका मुनालको निधनको कारण भने अहिले खुलाइएको छैन ।

लामो समयदेखि अस्वस्थ मुनालको निधन भएको अभिनेत्री तथा निर्देशक दीपाश्री निरौलाले पुष्टी गरेकी छन् । काठमाडौं महाङ्कालका निवासी मुनालले दर्जनौं नेपाली फिल्ममा अभिनय गरेका छन् ।  केही बेरमा नै अन्तिम संस्कार गरिने दिपाश्रीले जानकारी दिइन् ।

‘लभ लभ लभ’, ’एक पल’, ’शिरीषको फूल’, ‘दिदी भाई’, सेतो बाघ’ लगायत  थुप्रै नेपाली चलचित्र, साना पर्र्दाका चलचित्र र केही विज्ञापन चलचित्रमा समेत अभिनय गरेका मुनाल अभिनित फिल्म ‘गोपी’ १८ माघ प्रदर्शनमा आउँदैछ ।

स्वर्गीय मुनालका एक छोरा छन् ।