फुटपाथ पसल हटाउ अभियानका अभियान्ता महर्जन पक्राउपछि रिहा (भिडियोसहित)

काठमाडौ – फुटपाथ पसल हटाउ अभियानका अभियन्ता चन्द्र कुमार महर्जन पक्राउपछि रिहा भएका छन् ।

जागरुक युवा समाजले काठमाडौँका असन लगायतका ठाँउहरुमा फुटपाथ पसल हटाउ अभियान संचालन गरिरहेको छ ।

काठमाडौँ महानगरको नीति नै फुटपाथ पसल हटाउने हुँदाहुँदै पनि महानगरले पर्याप्त नगर प्रहरी संचालन नगरेका कारण आफूहरु नै फुटपाथ पसल हटाउन लागि पर्नु परेको अध्यक्ष महर्जनले रिहाइ पछि हरप्रहरसँग गुनासो गरे ।

कोभिड महामारीपछि झन् सक्रिय रुपमा अभियान संचालन गरिरहेको समाजले १ सय १८ दिन देखि नियमित यस अभियानमा सक्रिय भुमिका खेलिरहेको छ ।

अध्यक्ष महर्जनलाई महानगरीय प्रहरी परिसर विशाल बजारले पक्राउ पछि रिहाइ गरेको हो ।