अमरदिपले गर्यो मास्क तथा पन्जा वितरण गरेर ललितपुर शाखाको शुभारम्भ

ललितपुर – अमरदिप सामाजिक संस्थाले मास्क तथा पंजा वितरण गरेर आफ्नो ललितपुर शाखाको शुभारम्भ गरेको छ ।

सामाजिक सेवामा निरन्तर लागिरहेको अमरदिप सामाजिक संस्थाले कोभिड १९ को महामारीलाई मध्यनजर गर्दै सामाजिक दूरीसहितको कार्यक्रम आयोजना गरेको हो ।

कार्यक्रमका प्रमुख अतिथि गल्फका राष्ट्रिय प्रशिक्षक राधेश्याम थापाले संस्थाले सुरुवात गरेकोमा खुसी लागेको बताउदै अब पाइला रोकिन नहुने सुझाव दिए ।

कार्यक्रमका विशेष अतिथी बिनय जंग बस्नेतले आफूलाई विभिन्न संघ संस्थाबाट प्राप्त भएको मास्क, स्यानिटाइजर तथा पिपिइ सेट अमरदिपलाई उपलब्ध गराउने प्रतिबद्धता व्यक्त गरे ।

समन्वय, सम्पर्क र आवश्यक्ता अनुसार विभिन्न कार्यक्रमहरु गर्दै जाने संस्थाका सस्ंथापक बिमल कुमार सत्यालले बताए ।

कोभिडका कारण हालको अवस्थालाई आत्मसाथ गरेर सामान्य कार्यक्रमको आयोजना गरिएको र आगामी दिनहरुमा अमरदिपका प्रसंसा योग्य कामहरु सबैले देख्न पाउने संस्थाका ललितपुर अध्यक्ष सन्तोष घिमिरेले बताए ।

संस्थाको ललितपुर शाखा महालक्ष्मी नगरपालिका वडा नं. ३ मा रहेको छ ।