वडा कमिटी गठनसँगै सयौँको संख्यामा एमाले कार्यकर्ता नेकपा-एस प्रवेश

ललितपुर – नेकपा (एकीकृत समाजवादी) ले ललितपुर महानगरपालिका वडा ९ को वडा कमिटी गठन गरेको छ । वडा कमिटी गठन गरेसँगै १ सय ५० भन्दा बढी नेकपा एमालेका कार्यकर्ता नेकपा (एकीकृत समाजवादी) मा प्रवेश गरेका छन् ।

९ नम्बर वडा कमिटीका अध्यक्षमा रत्नपाल अवाले र उपाध्यक्षमा भुवन महर्जनसहित १४ सदस्यीय कमिटी गठन गरिएको नेकपा (एकीकृत समाजवादी) ललितपुरका सचिव सुदर्शन मिश्रले जानकारी दिए । ८५ वर्षका जेष्ठ नागरिक गोपाल अवाले पनि नेकपा एमाले परित्याग गरी नेकपा (एकीकृत समाजवादी) प्रवेश गरेको सचिव मिश्रले बताए । पार्टी प्रवेश गरेकाहरुलाई नेकपा (एकीकृत समाजवादी) ललितपुर महानगर कमिटीका अध्यक्ष श्री गोपाल महर्जनले स्वागत गरेका थिए ।

वडा ९ नेकपा एमालेका केन्द्रीय सदस्य तथा २०७४ सालको स्थानीय निकायको निवार्चनमा मेयरका उम्मेदवार रहेका हरीकृष्ण व्यञ्जनकारको वडा पनि हो । आसन्न स्थानीय निकायको चुनावमासमेत मेयरका प्रत्यसी रहेका व्यञ्जनकारको आफ्नै वडामा १ सय ५० भन्दा बढी कार्यकर्ता नेकपा (एकीकृत समाजवादी) मा प्रवेश गर्नुलाई निकै महत्वका साथ हेरिएको छ ।