दर्जनौँ एमाले कार्यकर्तासहित नेकपा-एस महालक्ष्मी नगर वडा ८ कमिटी गठन

ललितपुर – नेकपा (एकीकृत समाजवादी) को महालक्ष्मी नगरपालिकाको वडा ८ कमिटी गठन गरिएको छ । वडा कमिटी गठन कार्यक्रममा नेकपा एमालेका दर्जनौँ कार्यकर्ता नेकपा (एकीकृत समाजवादी) प्रवेश गरेका छन् ।

लक्ष्मण श्रेष्ठको अध्यक्षतामा २६ सदस्यीय वडा कमिटी गठन गरिएको छ । वडा कमिटी गठनसँगै अखिल नेपाल महिला संघ महालक्ष्मी नगर कमिटी, अखिल नेपाल महिला संघ वडा ८ कमिटी, युवा संघ नेपाल वडा ८ कमिटी पनि गठन गरिएको छ ।

निमा श्रेष्ठको अध्यक्षतामा ५० सदस्यीय अनेम संघ महालक्ष्मी नगर कमिटीको गठन गरिएको छ भने पूजा श्रेष्ठको अध्यक्षतामा ३६ सदस्यीय अनेम संघ वडा ८ कमिटीको गठन गरिएको छ । युवा संघ नेपाल वडा ८ को अध्यक्षमा सुजित महर्जनसहित २१ सदस्यीय कमिटीको गठन गरिएको छ ।

कार्यक्रममा बागमती प्रदेश साम्सद माधव पौडेल, महालक्ष्मी नगरपालिकाकी उप मेयर निर्मला थापालगायतको उपस्थिती रहेको थियो । सोही अवसरमा साम्सद पौडेलले नेकपा (एकीकृत समाजवादी) महालक्ष्मी नगरपालिका वडा ८ को पार्टी कार्यालयको पनि उद्घाटन गरेका थिए ।