नेकपा (एस) को गोदावरी नगर कमिटीमा ५ सय सदस्य निर्वाचन परिचालन कमिटी गठन

नेकपा (एकीकृत समाजवादी) गोदावरी नगर कमिटीले ५ सय जना सदस्य रहेको निर्वाचन परिचालन कमिटीको गठन गरेको छ ।

स्थानीय निकायको चुनावलाई लक्षित गर्दै नेकपा (एकीकृत समाजवादी) को गोदावरी नगर कमिटीले ठाकुर घिमिरेको संयोजकत्वमा उक्त निर्वाचन परिचालन कमिटी गठन गरेको हो ।

गठबन्धनको सहमती अनुसार गोदावरी नगरपालिकाको मेयर नेपाली कांग्रेसको पोल्टामा परेको छ भने उप मेयरमा नेकपा एस र नेकपा माओवादी दुवैको दाबी रहदै आएको छ । नेकपा एसले गोदावरी नगरपालिकामा उप मेयर पदका उम्मेदवारको रुपमा चार जनाको नाम सिफारिससमेत गरेको छ । उप मेयरका लागि अन्जल महत, रविन सिलवाल, दिपक घिमिरे र राजन महर्जनको नाम सिफारिस गरिएको छ ।